BID_31-08-2024

Ten spyte van die vele uitdagings wat Christene in Suid-Asië mee te doen kry, het FEBA dinamiese bedienings in verskeie lande. Van FEBA Pakistan se geestesgesondheidseminare en internskapprogramme tot FEBA Indië se veeltalige uitsendings en anti-mensehandelveldtogte, gebruik FEBA alle moontlike maniere om Christus na die onbereiktes toe te neem. Die Goeie Nuus kan selfs deur luisteraars in Jemen, Bangladesj en Irak gehoor word! Bid dat FEBA Pakistan en FEBA Indië bemoedig en versterk sal word in (en deur) hul verkondiging van God se Woord, en dat hul werk ’n groot oes sal oplewer.