FEBA Radio Suid-Afrika ontvang gereeld getuienisse van veranderde lewens. Elkeen demonstreer die krag van die Heilige Gees om harte te verander deur die Woord van God. FEBA en FEBC is beide kundiges op die gebied van die verspreiding van God se woord deur middel van radio-uitsendings in die mees afgeleë en onbereikte plekke op aarde!
Alhoewel elke getuienis wat ons ontvang kosbaar is, ontvang ons tog somtyds een wat vir ons uitstaan en ons aangryp. Ons weet dat die getuienis wat jy hieronder gaan lees iets is wat net God kan bewerkstellig:
Mnr Mbeue is in ‘n Moslem-huis gebore. Sy ouers se kultuur, oortuigings en godsdiens is mettertyd aan hom oorgedra. Sy ouers het hom na ‘n Islamitiese skool gestuur waar hy elke faset van Islam geleer is. Hy het uiteindelik ‘n leier by sy pa se moskee geword.
Volgens hom het hy ook ‘n praktiserende toordokter geword en mense die toorkuns geleer. Hy het vyf vrouens en al sy kinders het saam met hom gewerk. Hy is bekend daarvoor dat hy die dood van baie mense veroorsaak het deur die gebruik van toorkuns. Hy het ‘n vreeslike lewe gelei, versuim om sy kinders op te voed en kon nie behoorlik vir sy vrouens sorg nie.
Nadat hy na Radio FOT se programme in Mosambiek geluister het, het hy ons span by die stasie besoek en navraag gedoen oor Jesus Christus en die nuwe lewe wat in Hom gevind word. Hy wou ‘n verduideliking hê van hoe verlossing werk. Die span het die instruksies uit 2 Johannes 1 vers 12 gevolg. Dié gedeelte beveel aan: “Ek het baie om aan julle te skryf, maar ek wil nie papier en ink gebruik nie. In plaas daarvan hoop ek om jou te besoek en van aangesig tot aangesig met jou te praat, sodat jou vreugde volkome kan wees.” Gevolglik het die span mnr Mbeue en sy vrouens by hul huis gaan besoek.
Hulle het saam met die gesin gebid, en hulle het almal dieselfde dag nog Jesus Christus as hul Here en Verlosser aangeneem. Die nuwe bekeerde het vier vroue weggestuur en slegs die een behou met wie hy kinders het. Hy het ook opgehou om as toordokter te praktiseer. Radio FOT het hom van ‘n naaimasjien voorsien en geleer hoe om dit te gebruik sodat hy sy eie klein onderneming kan begin. Hy is nou 58 jaar oud en ‘n wedergebore Christen, heeltemal vrygemaak van die praktyk van ‘n toordokter.
Dankie vir jou getroue ondersteuning om ons te help om die evangelie deur middel van die radio met hierdie afgeleë gemeenskappe in Mosambiek, en verder, te deel. Your sacrifices are resonating in heaven.
