Die verkondiging van die Evangelie deur die media is waarskynlik die enigste doeltreffende manier om die onbereikte miljoene mense van die wêreld te bereik. Geen diktator kan ‘n radiogolf keer nie. Dit raak nooit moeg nie en reik tot in die donkerste hart met ewige krag. In moderne tye het ons regstreekse internetstroming, mobiele-toepassings en allerhande luistertoestelle begin gebruik om Christus se Goeie Nuus te versprei.

Dankie dat jy die verantwoordelikheid van Christus se groot opdrag deel: “Gaan dan na al die nasies toe en maak die mense my dissipels…” (Matt. 28:19). Dink ook aan die apostel Paulus se woorde in Fil. 4:18 … al julle gawes … is soos ‘n lieflike offer aan God, ‘n geur wat vir Hom aanneemlik en welgevallig is.